好耐都冇打xanga了... 可能工作關係... 每日返到屋企都唔願旭... 攰到死... 懶到爆...

哩段日子發生過好多公事同私事... 老豆竟然憑外表去否定一個人... 超無奈... 家姐個d佢唔鍾意但明知出聲我家姐就反面... 咁佢就唔敢出聲... 勁偏心... 其實好多野我唔出聲唔係代表我好恰啫... 係我唔想同你頂撞囉... 究竟你明唔明架呢~? 老豆...  唉...

公事方面... 哩一年真係最繁同最煩既一年... 有個做左好耐既同事終於離開公司... 以為有好日子過.... 點知哩個接手既同事N...  唉... 本身都做左三年啦... 好似咩都唔識咁... 就連每日埋數既工作都要由2008年10月教到今時今日2009月5月d concept都仲唔清晰... 如果你埋就要我check一次先交俾老細的話咁我何解要你埋呢~? 我自己做唔係仲好咩~? 唉... 收貨又搞到亂哂... 都做左三年喇... 點解仲係咁架呢~? 當初幫你口同老細傾高d人工到依家我真係越黎越後悔...

最近黎左個新同事... 雖然黎左香港幾年... 但工作態度遠比哩位同事N好... 而且仲更積極... 人地做野真係上心架囉... 起碼唔駛教幾萬次... 都仲係唔識咁... 激死... 自己有問題都仲唔識死... 仲同新同事講D大話... 講到我地對佢唔住咁... 係事實既我同老細都冇野講... 但你講既全部都係相反喎大姐... 係你自己唔肯轉full time... 唔肯供mpf... 明明加過人工都話做左三年冇加過咋喎... 有時做人唔好咁啦...